Posted by: burusi | 02/09/2012

ივეტა წითაშვილი – მეგრული ლექსები

ივეტა წითაშვილი

ივეტა წითაშვილი – მეგრული ლექსები

* * *
ვ ა მ რ ჩ ქ ი ლ,
ღირდას რაგად ვარა,
ვ ა მ ლ ი ნ,
ღირდას შარა ვარა,
მ ა რ დ ი რ დ
რჩქინა დუდშე მარა,
თ ა შ ი რ დ,
ირფელს რჩქინა ვახვარს,
ვ ა ს კ ი რ
ნაჭვემაქი აკაქ,
ნ ა ფ ი რ ქ
მუს აჭარე არძა,
თ ა ს ი ლ
ხარენს ხვალე ხვამათ,
ვ ა დ ი ნ
Qოროფათი ნარგა,
ვ ა ს კ ი დ
გური ნინაშ ნართა,
ა კ ი ნ წ ყ
არძა ჭუაქ ართათ,
ვ ა რ ძ ი რ
გიბჯინი დო აკანს,
მ ა შ კ ვ ი დ
ჩილამურეფ წყარმალს,
ს ქ ა ნ ჭ ი რ,
მუ გოკოდუ აბა,
ლ ა დ ი რ
ხუმუ, ხუმლა ვაფალს,
ა ნ წ მ ი ჩ ქ
სო მისოფუ შარა
ვ ა ღ ი რ,
შორშა ულა ვარა…

***
ჰავა უქაქალუანს
ჭვეს, არგამათ ირქენსი,
თეში ულაQაფუანს,
გუჭყოლიდუ ირფელი,
მუქ რე გუგაQალუა
ოწოწიას უკვენსი,
Qოროფასი ფულუა
ოკონია იშენი,
ჰავა ჭვესი გალუაფ,
ათაკირუ კისერსი,
ჭვეს ქაცალი ფალუა, –
ოწოწია იშხენსი,
_სკანი საქმე ვარდუა,
ჰავა მუჭო ირქენსი,
შხვაში სი დღას ვათქუა
შხვაშიშ სი მუს ილენქი,
ასე მეტი ვამწუა,
Qოროფა რე ირფელი,_
მერეხი დო ვალუა
ურჩქინაფ დო რჩქინელით,
ჰავა უქაქალუანს
ჭვეს, არგამათ ირქენსი,
ოწოწიაქ იშხუას,
ვეიალე იშენი….

***
ქომხუტოლე დო
ჩქიმ გურქ სკან გურს ჯერღვი ქიმკაQონ,
დომზუკოლე დო
მიკნაQონას ზისხირქ ქიმწახორცქ,
მიQორქია დო
ხიოლქ ჭუა გამწას ქიმწაფორჩ,
ბჯოგუქია დო
ჭუაქ ხიოლ კუნთხუს ქიმკაპონ,
დეჯერიაო,
ძიცაქ ნგარათ კიდირს ქიმკახორცქ,
ვამშკურდავა დო
ჩილამურეფ თოლეფქ ქიმკაფორ,
გირსხენქია დო
ნაზისხირას ბაწკარ ქიმკაQოთ,
გურ მიწყუნე დო
ნარღი ანწი ქუას ქიმკასოფ,
გამმოსკიდიო? _
ეზნახ ანწი ჯეგე მისარონს,
სი იჯინი დო
სკან სანთელო, შხვაქი მიდამQონ…


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

კატეგორიები

%d bloggers like this: