Posted by: burusi | 14/09/2010

გიგა ქავთარაძე – მეგრული ლექსები

ზუგდიდის დადიანების სასახლე. უილიამ ფილდის ფოტო; Dadiali Palace, Zugdidi. 1931

გიგა ქავთარაძე – Giga Kavtaradze (1986)

მეგრული ლექსები

***

გუთმოთანდუ დო ისერუ,
ისერუ დო გუთმოთანდუ,
დღალეფ გინძას მისერგელუ,
მოფერაფას მითინს ვანდუ..
ბორჯ მეურს, მა ეკოფთხოზუქ,
მუჭოთ ქირი მოლაღურსი,
ქიფცხვანტალუქ მარა იშენ,
ირფელ ჭუა ჩქიმდა მურსი…
მეძობელიშ ‘უდეს ვორდი,
სუმარ ‘უნდუ აბაშაშე,
ჩქინობურო ვაჩიებედუ,
მუქ მოძირუ, მუ დუაშე?
მუ მოსკიდნა თე ქიანას,
ღურაშა მის აწარინე,
მარა ნინა მიღურნა დო
ათეშ გურშენ მანგარინე…
საქვარ თინა რენო ხვალე,
შვე, ჭკუმე დო რძღაფილი რდე?
სამარგალოს ქიდებადდა –
მარგალურო ოკო მირდე!
ნინა სქანი გიორდას’
დღასი ვეგიჭყოლიდუა,
ვარაგადაფუა კოცს’
სოვრე მორთუ დო სო იდუა!

07.09.2010 ზუგდიდი

თის

მიმენარტი ჩქიმ სკვამ ცირა…
გურ მაფ ოროფათი ეფშა.
მუშენი რე მუშმოცირანს –
ქიდებლახი სკანი გეშა?
მიორს მა სკან თოლეფ გვირა,
ჯუნა მოკო სკანი ხეში,
სკან მასკვამა მეტ სო ბძირა,
ხათეცი რექ სამოთხეში.

***

მუშ მასკვამას მუკოხენა –
მურიცხეფი ცას…
თუთა თოლეფს უფათქუანს,
მიფერუანს ‘ვას.
ასე, სკან დუდ ქომუჩასინ –
მუთას მეფჩა შხვას!
იხ თიშნერო იქაქალ’ –
ვაგგოჭყორდუ დღას!
მარაშნა რე თქვან გოლუა,
მიდგას ოკონ – შვას!

27.08.2010 ზუგდიდი

***

მანგარინე

გუთმოთანდუ დო ისერუ,
ისერუ დო გუთმოთანდუ,
დღალეფ გინძას მისერგელუ,
მოფერაფას მითინს ვანდუ..
ბორჯ მეურს, მა ეკოფთხოზუქ,
მუჭოთ ქირი მოლაღურსი,
ქიფცხვანტალუქ მარა იშენ,
ირფელ ჭუა ჩქიმდა მურსი…
მეძობელიშ ‘უდეს ვორდი,
სუმარ ‘უნდუ აბაშაშე,
ჩქინობურო ვაჩიებედუ,
მუქ მოძირუ, მუ დუაშე?
მუ მოსკიდნა თე ქიანას,
ღურაშა მის აწარინე,
მარა ნინა მიღურნა დო
ათეშ გურშენ მანგარინე…


Responses

  1. კარგი ლექსებია. წარმატებები


კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

კატეგორიები

%d bloggers like this: