Posted by: burusi | 06/06/2009

ზვიად კვარაცხელია: “სიკვდილი და გალაკტიონი”

გალაკტიონ ტაბიძის დასაფლავება

გალაკტიონ ტაბიძის დასაფლავება

პინგ-პონგი

შეღამებულია. სიკვდილი და გალაკტიონი გაცხარებული თამაშობენ პინგ-პონგს. გალაკტიონს წითელი რაკეტა უპყრია, სიკვდილს – შავი. სიკვდილი მოჭრილს ურტყამს, გალაკტიონი – პირდაპირია და მსუბუქი.

პინგ!
“დიდო პოეტო, გენიად წოდებულო სიცოცხლეში, ბატონო გალაკტიონ, გამარჯობა!”

პონგ!
“გამარჯობა და საიქიოსთვის ჯერ არ მცალია, ძვირფასო სიკვდილო, ათობით ლექსი და დიდი წიგნი მოუმთავრებელი მრჩება – გამომცემლობასა და რედაქციებში ათასობით მანეთი არ ამიღია ჰონორარი…”

პინგ!
“ჩემი კითხვები მარტივია, პოეტებს არ ვეძიებით, ისინი თვითონვე ხდებიან სიცოცხლემისჯილნი… ობლობაო, ტანჯვაო, მესამე გზაო… სიცოცხლე თუ გიყვართ, ბატონო გალაკტიონ?”

პონგ!
“სიცოცხლე? მე ის ისე მიყვარს, რომ შეიძლება, მის გამო თავიც კი მოვიკლა.” (წამით დებილობის აფექტშია სიკვდილი)

პინგ!
“და ალბათ ხშირად გაგჩენიათ სურვილი, სიკვდილისათვის ჩაგეხედათ თვალებში?”

პონგ!
“მე მას ყოველდღე ვხედავ: ტიციანის სიკვდილი, პაოლოს სიკვდილი, ესენინის სიკვდილი, დედაჩემის სიკვდილი, ლექსის, რითმისა და სტრიქონის სიკვდილი, დაბოლოს…”

პინგ!
“საქართველოს სიკვდილი!”

პონგ!
“დიახ!”

პინგ! – ძლიერად:
“მაგრამ ყველაზე გულთამატირალი ქართველისათვის თქვენი სიკვდილი იქნება, პოეტო!”

პონგ! – წაფორხილებით:
“შესაძლოა… მე ზარ-ზეიმით დამიტირებენ…”

პინგ! – უფრო ძლიერად:
“და არიან?.. გულშემატკივრები?.. გყვანან?..”

პონგ!
“საქართველო გულშემატკივრების ქვეყანაა. აქ მკვდრის ხორცს დიდი ფასი ადევს.”

პერე!
გალაკტიონი ერთ ჭიქა ღვინოს გამოივლებს, როგორც გრიმსა და ბოჰემის დანაშრევს, გამოცოცხლდება და სათამაშო მაგიდას გადაბჯენილი ჩაჩუმქრავს სიკვდილის ჩამოწოდებულს.
და ვიდრე გირჩისთვალებიანი სიკვდილი გაცეცებული უცქერის მის ზებუნებრივ ხელისწინდვას, პოეტი სკამზე შემოდგება, გაიმარ¬თება, გადაიხედება, გაიზმორება და…
დავობლდით.


Responses

  1. dzaan magaria,vgijdebi am poetze


კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s

კატეგორიები

%d bloggers like this: