ტერენტი გრანელი – Terenti Graneli
2009 წლის სამ ოქტომბერს მწერალთა და საზოგადო მოღვაწეთა დიდუბის პანთეონში თავი მოიყარეს ტერენტი გრანელის თაყვანისმცემლებმა. წალენჯიხელთა დელეგაციამ, თანაქალაქელი დიდი პოეტის საფლავი გვირგვინით შეამკო. დიდუბის ღვთისმშობლის შობის სახელობის ტაძრის დეკანოზმა, მამა დავითმა (ჩიტიძემ) ტერენტი გრანელის სულის მოსახსენიებელი პანაშვიდი აღავლინა.
10 ოქტომბერს წალენჯიხაში დიდი ქართველი პოეტის, ტერენტი გრანელის საპატივცემულოდ “გრანელობა” აღინიშნა. წალენჯიხის ცენტრში ტერენტი გრანელის მონუმენტი გაიხსნა. ძეგლის ავტორია მოქანდაკე უშანგი ქადაგიშვილი. კვარცხლბეკის ქვა მოიძია და რაიონს უსასყიდლოდ გადასცა მწერალმა ოტია იოსელიანმა, რომლის გულმოდგინებამ საერთოდაც, დიდად განაპირობა ქალაქ წალენჯიხაში ტერენტი გრანელის ძეგლის აღმართვა. ძეგლის გახსნის ცერემონიას ცნობილი მწერლები, საზოგადო მოღვაწეები და ადგილობრივი ხელისუფლების წარმომადგენლები ესწრებოდნენ.
ტერენტი გრანელის პატივსაცემად – გაიმართა შემოქმედებითი კონკურსები; ნახატების გამოფენა; აღსდგა “ტერენტის წყარო”, წალენჯიხის #2 საჯარო სკოლაში გაიხსნა ტერენტი გრანელის განახლებული სახლ-მუზეუმი; პოეტის სახელობის პარკი, სადაც მემორიალური დაფაც დაიდგა. კინოთეატრში გაიმართა საზეიმო საღამო…
პანტომიმის სახელმწიფო თეატრმა წარმოადგინა სპექტაკლი “მთვარისკენ ნასროლი მიხაკი”. ტერენტი გრანელის სახლ-მუზეუმში მოეწყო პოეტისადმი მიძღვნილი გამოფენა. ჟურნალისტმა ჯუმბერ ჯიშკარიანმა მუზეუმს გადასცა ნიუ-იორკში მცხოვრები ჩვენი თანამემამულის, ცნობილი მხატვრის ცისანა ჯანაშვილის მიერ შესრულებული ტერენტი გრანელის ფერწერული ტილო. მუზეუმს გადაეცა რამდენიმე ტილო და ნივთი, რომლებიც ტერენტი გრანელის ცხოვრებასთანაა დაკავშირეული, მათ შორის ლადო გუდიაშვილის მიერ გასული საუკუნის ოციან წლებში შესრულებული ტერენტის გრაფიკული პორტრეტი და სხვა ცნობილი ქართველი მხატვრების ნამუშევრები.
მსგავსი ღონისძიება რამდენიმე წლის წინ ჩატარდა, წელს კი ტრიადიცია აღდგა და გრანელობა ყოველ 10 ოქტომბერს გაიმართება.
-
- მამანტი როგავა ტერენტი გრანელის საფლავთან, 2009 წელი
-
- გრანელობა წალენჯიხაში. წალენჯიხის მუნიციპალიტეტის საკრებულოს თავმჯდომარე გიორგი ხარჩილავა
-
- გრანელობა წალენჯიხაში
-
- ოტია იოსელიანი და წალენჯიხის მუნიციპალიტეტის საკრებულოს თავმჯდომარე გიორგი ხარჩილავა
-
- ოტია იოსელიანი
-
- გიორგი ბუნდოვანი
-
- თენგიზ ვერულავა
-
- ტერენტი გრანელის პარკის გახსნა
-
- დაჩი და ნიტა გრანელობაზე
-
- ტერენტი გრანელის ძეგლის გახსნა
-
- ტერენტი გრანელის ძეგლის გახსნა
-
- ტერენტი გრანელის ძეგლი, ავტორი უშანგი ქადაგიშვილი
-
- ტერენტი გრანელის პარკი
-
- ტერენტი გრანელის ძეგლი, ავტორი უშანგი ქადაგიშვილი
-
- ტერენტი გრანელის ძეგლი, ავტორი უშანგი ქადაგიშვილი
დიდი მადლობა ამ სტატიისთვის, ბატონო თენგიზ!
By: Lika on 02/11/2010
at 22:00